Global GameJam verður næsta vikuskifti. Bólkurin, sum fyriskipar GameJam Føroya, samskipar føroysku luttøkuna í samráð við Fróðskaparsetrið. Fleiri upplýsingar eru inni á Facebook síðuni hjá GameJam Føroya.

Einasti samskiftiskaðalin til Tonga í Kyrrahavinum fekk skaða, tá eitt eldgos var leygardagin. Tað fer at taka minst fýra vikur áðrenn vanligt netsamband fæst aftur. Amanda Watson frá Kyrrahavsdeildini á Australian National University sigur í viðmerking til BBC, at tað hevði verið gott, um øll oyggjasamfeløg høvdu meira enn ein uttanlandskaðal.

Talgilda heilsuskipanin, sum annars er uppsøgd, er nú uppstigað. Ein trupulleiki við nýggju útgávuni er, at allir medisinlistar eru gjørdir óvirknir og mugu innlesast av nýggjum. Roknað verður við, at tað tekur 10 minuttir fyri hvønn sjúkling.